إبتسام مراد تكتب…(ودّيلي الرد)
كم مرّه تلفنتلك
ما كنت ترد
ما بعرف شو صايرلك
شو هوي القصد
ان كنك ياغالي ناوي
تبعد عن جد
لا تتركني عا ناري
وديلي الرد
مع النسمة بعتلك
عطرو للورد
كل ما تشمّو يهمسلك
باقي ع العهد
صحّاني الصوت الدّافي
بعز البرد
الكلمة جمدت ع شفافي
مافيي رد
يا حلوة لا لا تخافي
رح أنطر بعد
من هالينبوع الصافي
بفيض الوجد
لما بشوفك زعلانة
فورا بحتد
بعرف إنك عطشانة
وقلبك بصد
من لون عروقو القاني
لوّن هالخد
بتضحك عيني النعسانه
وبزيد العد
ولما بشوفك غفلانه
بجد الجد
بخطف منو بثواني
من قراص الشهد
ابتسام
