غرقت بحلم ياما إلو تمنيت
عيشو حقيقة ونفرح بهالبيت
شفت الزهر متفتح ومسرور
وشفت الفراشة تغازل العصفور
يقلا تعي تا نرحل ونهرب سوا
تقلو مافيي غيب عن الزهور
كتبنا عهد ومضيت ع الورقة
من المهد لساعة الفرقة
لوصار وتعرضت ل سرقة
خبيتها بقلبي ضمن جارور
لما بهلّ العيد ياعصفور
بعيوني بتفتح مدن من نور
بشوف الفرح بعيون كل الناس
حجار عم تلمع من الألماس
ألعاب ومراجيح وزينة
وأنفاس عم بتعانق الأنفاس
فجأة ع صوت من الحلم وصحيت
وشوشه وهمسات ع السكيت
تقلو ياخيي صعبة بهالعيد
نفرح ونلبس أيّ ثوب جديد
خلينا نحكي سوا لأهلي
العيد لمّا نجتمع كلنا سوا
ولما بكون الشر عنا بعيد
تنهنهت وغصيت وبكيت
لمخدتي قلتلها وحكيت
من الهمّ كبرو ب سرعه الولاد
ياريتني بحلمي بعد ما صحيت
شاعرة سورية
