سمعت الصبية توشوش الطرحة
بغصّة قويّة وغايبة الفرحة
تقلاّ ياطرحة كثير مشتاقة
حطّك ع راسي وإحمل الباقة
ال حبيتو بقلبي مابيعرف من سنين
صعبة علينا بيوم نتلاقى
كل مرّة فيها تلمحو عيوني
بيفرح قلبي بصير مجنونة
بستنى كلمة ونظرة حنونة
ل اسرقها وخبيها بجفوني
قولك يا طرحة بلبسك شي نهار
يصير الفرح عنّا بوسط الدّار
وإسمع زغاريد وغناني
ونمشي سوا لنكمّل المشوار
لا تصدقي بمزح معك مزحة
بعرف ما فيي عيش منشرحة
بعمرك يا طرحة شفتي عروس
تعبانة ومن حالها ميؤوس
بتصارع وبتحارب الأوهام
وهيي ع فراش الشوق منطرحة
