كرمالي
كرمالي خليكي هون
وعن عيني أوعى تغيبي
متل الشمس تضوي الكون
ولقلبي الدّفا تجيبي
خبرني عنك هالليل
كيف خبيتي أسرارك
حلف هوّي ونجم سهيل
ما يودّوها لديارك
أسرارك حطّوها ببير
لبالك تبقي هدّي
لنجومو خلّوها تسير
وشعراتو إلك مخدي
أفكارك خليها تطير
وهمساتك إلنا ودّي
همسة حب وحنية
معها نظرة سحرية
وهمسة تحمل معها الرّوح
مع شي نسمة طريّة
كل ما عطر الحب يفوح
تبقي للروح تردّي
ابتسام مراد تكتب….كرمالي
