يا ضمير العالم اصحى
وصحي ضمير البني آدمين
كفايه قتل كفايه جرحي
دافن راسك ليه في الطين
عايشين وياك في ليالي كحله
أصبحنا معاك ماشيين تايهين
اشتقنا لبكره يكون الأحلى
والفرحه ترجع لفلسطين
ومش راضيين
على الخراب والدمار
مش راضيين
على الغشامه وضرب النار
مش راضيين
على قتل الكبار والصغار
مش راضيين
يا ضمير العالم اصحى
دافن راسك ليه في الطين
***************
الإنسان دمه غالي
مهما كان جنسه إيه
الإنسان دمه غالي
مهماكان دينه إيه
الإنسان دمه غالي
مهما تكون شريعته إيه
ياضمير العالم إصحى
قول الحق ساكت ليه ؟؟؟؟؟؟؟
ذنبه إيه ؟؟؟؟؟
طفل بريء في الحريق
ذنبه إيه ؟
الحق صار في الكون غريق
جاوبني ليه؟
تاه الحب في الطريق
آخرتها إيه؟؟
يا ضمير العالم إصحى
الله الحق لا يعلى عليه
*******************
دنيا فانية وعالم فاني
وإحنا حفنة من التراب
يا ويلك يا اللي كنت جاني
هتدوق أمر العذاب
تبني ليه أحلام وأماني
وعاشق دايما للخراب
متر × متر القبر يا غالي
ده إحنا فوق الأرض أغراب
ومش أحباب
طول ما انت حابب للخراب
مش احباب
طول ما انت عاشق للخراب
مش احباب
طول ما انت ساعي للخراب
مش احباب
يا ضمير العالم إصحى
ده إحنا حفنة من التراب
ده إحنا حفنة من التراب
