حزينة إللي ماعندها بت
حزينة إللي ماخلفت البت
دى كلمة أمى لما تبقى فى يوم عينة
تبكى وتنوح حزينة اللي ماخلفت البت
يامه معاكي جوز رجالة طول الواحد فينا ييجى مترين ما مكفيين
وتقولي البت ..البت .. البت
ياولدى البت حبيبة أمها
ولما تتعب أمها البت تلمها
قلت والله كلامك يامه يهز الريح
وكأنه كتاب لغوي فصيح
والواد يامه كيف أحواله
الواد يسند أبوه ويشيل أحماله
أما البت ست الدار
طيب يامه . زمقانه من خلفت لولاد عاد
بكره ياولدى . تتجوز ..وتخلف عاد
ولما ربنا أعطاني البت
قلت والله يامه كلامك صوح
البت حنوووونة وماليه علينا الدار
ضحكتها اتجلجل حيط وأسوار
لمعة عينها فيها .. حنييييييه
لقاها بالحضن .. يخلى القلب يرفرف ..
انتِ يامه ..كلامك صوح
حزينة اللي ماخلفت البت
