ليه الحرام ديما مستخبى
وخايف من الكل بيداره
مع أنه عارف إن الميزان موجود
والدنيا تملى دواره
ليه أوله لذه وأخره ندم
ليه بيخاف م الورقه والقلم
ليه تملى مصاحب ضعفنا
والمال الحرام نهيتو العدم
رد الحلال قلي فوق
الدنيا للعبادة وتقسيم الحقوق
والحرام جبان عايش فضلمه
وانت بطبعك مخلوق للشروق
يا ابن آدم دموع الجمل
دوا من لدغه التعبان
ومن أجمل دعاوى الدنيا
يا رب أحط دماغي ع المخده أنم
الحزن الشديد أخره بكا
رحمه للجسد م التهلكة
والشامة فالدم عيشا
تموت أدامك لو متفبركه
واللى يعفر يجى على راسه
والراجل نغوته فعرقه وفاسه
والعاقل اللى يخاف ربنا
ويعيش لأهلو وناسه
يا ابن آدم دموع الجمل
دوا من لدغه التعبان
ومن أجمل دعاوى الدنيا
يا رب أحط دماغي على المخده أنام
