الشاعر محمد عبد العزيز رمضان يكتب...دبت فيك

ياما دبت فيك
وسهرت الليالي
ياما حلمت بيك
يا أبو قلب خالي
والله بخاف عليك
وأنت ولا داري
نظرة من عنيك
بتغيرلي حالي
فاكرك مش ناسيك
دايماً على بالي
بنده مش لاقيك
ما ترد يا غالي
دايماً أحن ليك
ما تجاوب سؤالي
ياما قلت هات
نبتدي الحكاية
ونعيد اللي فات
وتكمل معايا
مش هرضى يا عمري
تبقى دي النهاية
أصل اللي ما بنَّا
مش قصه ورواية
أنت حبيب حياتي
نور عيني ومنايا
مهما بعدت عني
بردو أنت البداية
ياما سهرت أبكي
من شوقي وهوايا
ياما ناديت عليك
وأنت عني غايب
لو بعت اشتريك
يا أغلى الحبايب
قلبي بيناديك
مغرم بيك ودايب
يا ما قلت روح
مش هنعيده تاني
وكفاية الجروح
وكفاية الأماني
وكتير قالوا عنك
غدار آ وأناني
بكرا كمان هتندم
وهتبكي عشاني
بس خلاص يا قلبي
مش هنعيده تاني

الشاعر محمد عبد العزيز رمضان يكتب…دبت فيك