يا بلادي يا حبيبتي
روحي عمري كله ليك
لو بعدت مرة عنك
أنت غالية مش ناسيك
ياما عشت في خيرك انت
مهما باعوا أنا بشتريك
لو سألتي قلبي عنك
قلبي دايب روحي فيك
والسما الصافية وشمسك
والنجوم من نور عنيك
نفسي أرجع يا بلادي
واترمي أنا بين إيديك
واللي يطمع أويفكر
يوم يقرب هيلاقيك
نار بتحرق نار بتكوي
ويل هلاك للي يعاديك
روحنا مش ممكن هتغلى
يا بلادي يوم عليك
بعشقك بعشق ترابك
مش هكون يوم إلا ليك
لو بكيتي م اللي صابك
بكرا بالخير هنداويك
أنت محروسة بشبابك
ما تخافيش ربك حاميك
مش هخبي شوقي عنك
شوقي دايما بيناديك
