عمري ما أضعف أو اخاف
اصل خوفي شيئ كبير
لو هخاف ازاى هعيش
لا هكون زى الجبال
هقدر أهزم كل صعبي
مهما تقلت الحمال
ايوه هنجح مهما قالوا
هبقى أقوى م الصعاب
مهما عني يا دنيا مالوا
مش هيقتلني الغياب
راح هعدي المستحيل
واللي عندي مش قليل
عندي حلم جميل لبكره
عمر ما اقبل ليه بديل
واللي يوم خلوني ابكي
بكره يبكوا كلهم
يندموا على بعدي عنهم
عمرى ما أبقى زيهم
قلبي مشغول بالنجاح
بشتهي طعم الكفاح
مهما حاولوا يرجعولي
اللي بنا كله راح
عمري ما اقبل أشتريهم
هما باعوا من زمان
واللي باعني يوم هبيعه
مش راح أديله الأمان
الشاعر محمد عبد العزيز يكتب…..عمري ما اضعف
