كلمات يفهمها كل صعيدي
قاعدا في الملقه تحت ساس كشف
عضمه نخراه حياي واكله دوايلها
ابرم صواف نعجه ماتت بواكرها
بمغزل راح مشاوير ما راح يعاودها
حاطه حردتي ورا راسي ساندا
الحيط لتغيب مع الهم ومين يعادلها
ورجلي علي طرف طن بوص طري
ريحتها يمكن ياخد من عياي ملاملها
وزينب تزقق حمام تزيد قرشيناته
و فرارجي يفضي حواصله وعاذرها
ماهو صنايعي من قبلها زقق وزود
موازين طير دي خبره عنده شايلها
وماضي في شوالات حمله بالمخيط
قاعد يدرزها تقولش ترزي عاملها
والواد عمر فوق التاني بزقزوق
يرفع بوص ميتان الشمس قاتلها
وقمره بتصلح الملقة بزباطه واكلها
ايديها من اول عمنويل قاطعينها
مالك يا حليمه من النطل تعبتي
نسيتي البيار ولا وحشك سقايلها
وانت يا مرعي روح لخالتك تغيانه
هات تلقيمة شاي يجي تموين نردلها
والنبي يا عيشه احمي الفرن الوقيد
كتير وبالفوده فودي بطنها ومكاحلها
اوعي العيش يخمر بدري وحطي
منطال الفول علي راسها يتاجنها
وقولي لبياضه الحلبيه لسه الغله
ما دخلناها تيجي بكرا تاخد منايبها
