وجه الفنان تامر حسني بعض النصائح للشباب، إذ طالبهم بعدم الاستسلام واليأس، والخضوع لضغط من يحاولون هدمهم، ويستخدمون أخطائهم بالماضي ضدهم.
تامر حسني لـ«الشباب»: متسمحوش للناس يستخدموا ماضيكم لهدم أفكاركم
وكتب تامر منشورا، عبر حسابه الشخصي بموقع التواصل الاجتماعي فيس بوك، قال فيه: من خلال قراءتي ودراستي الفترة الأخيرة لبعض العلوم، وأهمها علم الدنيا اللي احنا فيها دي، ومن خلال تجربتي الشخصية، حابب اتكلم عن حاجه مهمة أوي وتخص كل واحد فيكم نفسه يتقدم في عصر الإحباط اللي احنا عايشين فيه ده.
وتابع تامر حسني: لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي.
وأضاف تامر: ده تطور طبيعي للّي عايز يبقى إنسان كويس وقلبه سليم، بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها، وتحولها لوقود حرق يخليك تنجح وتعلى أكتر، عندًا في اللي عايزين يشوفوك فاشل.
واستكمل: خليها بقى عادة عندك كل ما حد يحبطك تنجح، وتطور نفسك زياده لحد ما اللي بيحبطك يشوفك فوق جدًا، وفارق عنه ساعتها هيضرب نفسه بالجزمة إنه كان بيحاربك، عشان هو هتبقى طاقته فضيت وفشل، عشان وظف طاقته ليك وانت وظفت طاقتك وطاقته لخدمتك، فبقى عندك كذا دافع للنجاح يسخنك ويحفزك.
https://www.facebook.com/TamerHosny/posts/pfbid02qPpupwHG4w9gcFrnSLV1CmsC1qwhZ2vKH4fPNps9onKrJpGA7tfrpkopEAFtXabFl?__cft__[0]=AZVa2sdee1OM5L6fMWCZ60xdFlSvc2uo-D3r87junY73nKnpEu68DHtDfMgsee6LqX4QiuMHLBXbjZOqnNsDo85oZJJPENa2viKKirpi19tQpeHs6fw_nEHGZE1nGKN4xBtJh3RI8-zdiMmtxTkJNY6ZPzF6uM31xVxL9Afdt1ZR5MgNOGtYYM6JvqFHasdYnPSu6humIWPXJ4Xinglu0sOX&__tn__=%2CO%2CP-R
