أم ريكا دي شيطان
عاملة روحها دار أمان
للحرامي والخسيس
دي عشيرة
وكبيرها جبان
أم ريكا قَصّْدها لئيم
ومصيره في حرامها يُهان
عاملة فيها صدر حنين
وهي حية وتعبان
تتلون وتقول حكايات
دي بتدعم زاني وسجان
بتحرر كل الفاسدين
بخباثة بتقتل إنسان
أم ريكا مخلوقة من نار
ترسم مخطوطها ببطلان
بتحرض على كل عزيز
مَهي هي أصلها عريان
لصة وايديها خفيفة
للزيت والمية كمان
عِشْتها بنيانها عظام
وشعارها قرصان طمعان
هجام وعينيه مكسورة
تايه ماهيلقى أمان
أم ريكا عاملة عاملة
في القضية ليها سبقة
تتلصص علشان جواسيس
زرعاهم ورا كل بِيبَان
بتحرك بايديها برغوت
فكراه هيكون كسبان
ناسية إن ورانا رجال
بيحمونا أرض وشطآن
وأبو ريكا عامل من بنها
دا هو سبب الإتيان
وعد ايه كان بيعمل
دا بيتنا بيبان وحيطان
لميين زبالات العالم
لزقنهم عندنا بلبان
كل دا علشان يرازونا
براغيت وبق ودبان
بس وحياة اللي جابونا
ماهنخلي لوجودكوا مكان
