إحساس انك في حالة توهان ، مش عارف مالك ، مش عارف دا كله ايه سببه اي ، حياتك كل يوم عن يوم بتدمر اكتر ، رغم كل محاولاتك علشان تعرف تعدل الامور ، تقدر تظبط ميزان حياتك ،
الدنيا معوجة ليه عليا ، ليه كفة ميزان الحياة طبة اووووي ومحملة عليا جامد ، انا مش بعمل حاجة غلط ، وماشي بالمسطرة ، كله بالورقة والقلم ، كل حاجة ماشية ، والامور تمام وفي طريقها الصحيح
بتمر بفترة اكتئاب طويلة ، محدش جنبك ، محدش اهتم بيك ،انت لوحدك جدا ، انت تعبان ، ومش قادر تقول لحد انك حتي تعبان او بمعني اخر لما بتقول محدش بيسمعني خالص ، مفيش حد خالص بيحس باللي جواك ، مهما تقول أو حتي تصرخ باعلي صوتك ،
الوجع عمال بيزيد …و بيزيد …
الضغوطات بتزيد والخذلان بيزيد ، طبعا حاسس كإن حزن الدنيا كله متجمع جواك … ايوة هنا … ايوا هنا تمام بالظبط ف قلبك ، هو ده المكان اللي الكل بيجرح فيه بدون احساس، كإن قلبك متاح للتجارب الفاشلة ، كإنك مكتوب عليك انك تفضل في حزن ، ومحذور عليك ياعيني انك تفرح ، وحتي لو فرحت… فرحتك بتروح وتنتهي في لحظات ، وعمرك كله كده وما تفرحش ابداً،
ليه كده كل ده بيحصل معاك ، دون عن الناس كلاها ، حد مستقصدك ، ولا معمول لك عمل ” العياذ بالله ” كإن العالم كله متجمع عليك ، عاوز يخلص عليك بنفس الطريقة ، كإنهم اتفقوا يسيبوك دايما كدة شارد تايه في …. في نص الطريق
حاسس انك الإنسان الوحيد اللي في الحياة وحيد ، في الحقيقة انك مش الوحيد … دي حكاية وراء كل باب
انت عارف لما تحس إن كل حاجة حلوة راحت … ولسةبتروح منك ؟، انت عارف حتى نفسك لما تروح منك … او راحت منك ، عارف انك تحس إن روحك موجوعة ، وقلبك مكسور.. صدقوني ده أسوأ إحساس ممكن تحسه … لكن دي حكاية وراء كل باب
عندي لك كلام ، اه في تجارب فاشلة ، وبتسمع كتير ان النجاح يولد من رحم الفشل .. لكن ده بيحصل مع الناس اللي بيتعلموا من تجاربهم الفاشلة .. فكم من مؤسسة ضلت طريقها بسبب سوء الإدارة ، ولم تقم لها قائمة بعد ذلك ؛ انها ابدا لم تفكر في نواحي ضعفها لتتلافاها ، ولا حتي في نواحي قوتها لتحافظ عليها وتنميها.
هل تعلم انه بعد المرور بتجربة زواج فاشلة ، ان من أكثر الأشياء التى قد تؤثر على نفسيتك ، والمرأة بشكل عام، باعتبارها الطرف الأضعف فى العلاقة من حيث المشاعر، خاصة إذا كان الطلاق مفاجئ.
الخلاصة
إن هناك فرق بين الطلاق المتوقع ، والطلاق المفاجئ، فإذا كانت المرأة تعيش الكثير من المشكلات مع زوجها، الأمر الذى يؤدى لطرح فكرة الطلاق شفاهة من الطرفين ، قد يساعدها ذلك كثيراً على تخطى أزمة الزواج الفاشل ،
ان أكثر من الطلاق المفاجئ الذى لم تكن المرأة في يوم ما أن تفكر فيه، مما يؤثر على نفسيتها كثيراً كونها غير مؤهلة نفسياً لتلك الفكرة، وبالتالى يصيبها بحالة من اليأس والإحباط ، وهي أمور ناتجة عن شعورها بالظلم والغدر .
ولتخطى أزمة الزواج الفاشل تنصح في صباح مصري جديد غدا كيف يمكن للمرأة أن تتخطي هذه الازمة الكبيرة … فهي حكاية وراء كل باب ….
#دسميرالمصري
دسميرالمصري…. صباح_مصري …..حكاية وراء كل باب ….
