و لما سألت الأم الغربة ؛ ليه يا غربة اخدتي اولادي؟
قالت أنا : يا أمي ما أخذت حدا!!
كل الحكاية أن الشباب عوزين المال!!!
ومش فاهمة مين عرفهم أن طريقه الغربة؟؛
قالت الأم
بدفع تمنها دموع وأنا ببكي على فراق الغوالي
بدفع تمنها سهر وأنا بدعي يرد اللي غايب
لا اكل بيحلي….
ولا لاعدة فرحة…..
وكل الحكاية ال ايه ولادها
في بلاد بره شقايق
وناس كتير تقر وناس
تانيه تحسد
وناس السنتها بتحكي وتنقل
وولادي بعاد لا لقمه هنية ولا لمه تسند
ودنيا غريبة
وعمر يعدي
وشبابهم يولي
***
يرد الشباب مالك يا أمي حزينة وباكية
دا بلاد بره يا أمي بيقولوا فلوس ودنيا هنيه
…….
وعمر يعدي ونرجع لك يا امي بقيراط الدهب والشال الحرير وعبي لابويا وخالي وعمي
….بس انتِ قومي ادعي
يسافر ولادنا آمالهم بعيدة
يعيشوا الحقيقة وحده شديدة وعمر يمر أدام عينيهم
وفجأة بسرعه تعدي السنين
ويجي جواب احضر يا ويليدى امايتك ماتت
تعالي لتدفن
امك يا ويليدي ماتت حزينة
يجي الولد يدفن أم الرجال
يشيلها الرجال
رحلتي يا امي قبل الدهبات قبل ما تلبسي الشال الحرير
ويبكي الرجال
وينسوا هيبتهم
كان نفسي يا أمي بفلوس الغربة
ديا ترتاحي وكفاكي شقي
وتعب من تاني
ولكن القضاء ما منه فرار
