دكتورة مريم ميلاد تكتب.. خرافات الجدات و الجارات مع البيبيهات

مع كل مولود جديد تنهال الإفتكاسات و النصائح المغلوطة من الأهل و الجارات و الجدات و الحموات .

تعالي يا مامى هقولك على أهم الافتكاسات علشان متسمعيش كلامهم

 الولد بيعيط و جعان اديله أعشاب أو ينسون ..للأسف بيعمل انتفاخ و ممكن الطفل يشرق فيه 

 إديله لبن صناعى أول ٣ أيام على ما لبن الأم ينزل..لبن السرسوب اللى بينزل أول ٣ أيام مهم جدا و بيكون كافى جدا للطفل

 أربطى وسطه و صدره عشان ميتمزقش..أوعى تربطى طفلك و سيبيه يأخد حريته فى الحركة

هاتيله سهاية عشان يسكت.. للأسف بتدخله ميكروبات و بتعمل مغص و انتفاخات

 لبسى الولد لبس كتير عشان يتدفى..عدد القطع الكتير ممكن يخنق الطفل ومش بيخليه قادر يتحرك ولا يتنفس 《خلينا فى المعقول》

 رضعيه من صدر جارتك على ما لبنك ينزل..غلط جدا 《الطفل يرضع من مامته فقط》

 حطيله شوية سكر ع اللبن الصناعى عشان يحلى طعمه..ممنوع السكر والعسل و الملح قبل سن السنة 

 أربطى راسه كويس عشان لسه طرية ..لما الرباط يقع منه هياخد برد.

لو سمحتى متسمعيش كلام حد و لا تصدقى ما يُقال من إشاعات و إفتكاسات ليس لها أى أساس من الصحة فقط استشيرى طبيبك لراحتك وراحة طفلك