نبقة جبانة اولاد يحى
والله وعجزتي يا نبقة الجبانه
ونشف ورقك وكحل وكرتن يا حزينه
وعضمك بان من ضلوعك بعد ما
كنتي عفيه و عودك فاير وزينه
لعبت تحتك العصايا رجاله كانت
خزرانتها تضرب الارض تطلع نار تروينه
في صبح العيد كل راجل شايف نفسه
ينزل ميدانك وانت بضلتك تنادينه
ولد المرا بعصايته يضربك ويلاعبك
وينزل يلف العصايا ويحجل ويلاغينا
ويفط في العالي قصبة وينزل
يلاقي العنين معاه تتمقق شايفينه
واهو ابو الحصين ذي كل عيد حاطط
المسجل ابو حجاره يغني اللي ما فاهمينه
وعاجز علي ضهر جحشه الي ما راضي
يكبر متورك بيوريه يوم حلو في سنينه
وشباب جاي من بحري من شغل الفاعل
اتمدن بيتمسخر علي اللي الناس شايفينه
وافندي جاي من بلاد فلوسها كتير قوي
خايف تراب الجبانه يغبرها وهو متمرط عند اللي كافلينه
وناس شاخت جايا تشوف شبابها اللي
كانت كل حريم الدروب حاسدينه
