قاعده علي طرف المصطبه انوح بحالي
بعد ما بقيت وراح كل الغوالي
وهناك علي كن الحمام مهجور
من طيره، قعدت عليه أم خوالي
ربطة الحرده علي القوره قاسماها
النص مخبي والتاني باين للعوالي
لكلكت نفسي وضميت ايداي
علي صدري ما لقيت يغطيني غير شالي
والدمع من مقل العيون راح شارد
وبكيت كل الناس واولهم عزالي
بصيت في عيون الصبايا لقيت الكحل
دايب في الدموع ماشي ع الخدود بينعي حالي
حطيت بردتي تحت راسي تطري
هم ناشف بجيته شندل بالي
صبرت لما العيون غابت لقيت في كل
عين بوره جابت دموع كل احوالي
قلت يا عين كفايا بكي قالت
بكايا خلص اللي بيبكي مراري
نمت لوحدي والشتا قايد برده
لقيت تحت الدمع دمع متجمد قبالي
نديت علي قلبي لقيته بيشرح للكل
اللي صابني والكل ماشي بقولة وانا مالي
من كتر البكا خبط الباب ومن وراه
اخويا بجفا الكلام ما خللالي
قلتله روح يا احمه انت مش حاسس
باختك النار بتاكل واولهم دلالي
بكي اللي عمره ما بكي وقاللي والله ما شفت
حزنك لا علي القبور ولا في كل الملالي
قالي اوعي يا وحيده تزعلي دانتي
اختي سيبي مكان البكا هنا وتعالي
قلتلوا البكا ملهوش مكان يا اخويه
وسيبني وحدي اشكي همومي واللي جالي
دكتور العشماوي عبدالكريم احمد الهواري يكتب….مرار وحيده قصيدة بكلمات صعيدية
