كلمات في واقعنا المرير والفتن
يا طين ايه طينك
يا طين ايه طينك وليه كل
الحزاني بسوادك ليه تتكحل
وكمان جاي تقولي ارقيني
من ايه يا خيي ما كلك متقندل
وقف حزيناتك ومسح دمعاتك
واقعد في مقعدك والنبي استعدل
امسك نفساتك فيه مياي متنعمه
بتدوب اللي غاوي تعب يتبهدل
وولع نار حاميه تكاوينا وفي برد
الشواتي تلسوع تحت الجلاليب ركابينا
وحط تلاقيم شاي واسكار اوعاك
تعايرها دا البركه غطت عمامينا
وعدل البص خليه يجهمر وناره
الحمره توهوج تخرم نواين عوانينا
وقول يا محمه كدباتك مين طلق
خديم الميه وولعها بينا ويين خوالينا
وانت يا مرزوق أشهد وامن وكسر
بوص ووكل نار غموس ناعم تحرقه حوالينا
علي صواتك يا واكلهم خلي ودان حليمه
اللي مشعلقاهم في السنبله يصنطو علينا
وانت يا ملكوم قاعد و صانط بتحك ليه
في راسك ولا بتكالم جنونها تسبق رجالينا
وانت يا مولانا مفيش حرام بصوتك اللي
يخلي القلايب تفور تطفي البص بدمامينا
ما كلنا شواطين قاعده تلحوس معاوين
صحابها نايمه و مأمنه مطمنه لينا
