بشويش هاتسحب من كتاب عمري
بشويش
عايزة اهرب من صفحاته وحروفه القديمة
وأعيش
وان قالولي ليكي وعليكي هاقول مش عايزة
ماليش
وان قالوا معاكِ
الذكريات والاحلام
معايا أنا
لأ ماعيش
سيبوني اهرب
لصفحات الفرح لحروف السعادة
والفرافيش
كفاية حزن كفاية ألم
كفاية يادنيا
ماتأسيش
القسوة بتعلم الجفا
وتعلم العين
ماتبكيش
أخرج ولا أرجع
لصفحات مكتوبة بدمي
بعمري وماتتنسيش
حلوة مرة
ماهو اللي علي الجبين
لازم تشوفه العين ولازم الحياة
تسيبنا نعيش
د/ جيهان النمرسي
