-هو كائن جميل بسيط غلبان طموحه بيبدأ عند كنبة الأنتريه مرورا بطبق الفاكهة وكوباية القهوة وانتهاءاً بالتليفزيون…………
-هو كائن هادئ مش عايز حاجة من حد ولا عايز حد يعوز منه حاجة…..
-هو كائن مقهور ضيع طفولته ومراهقته في التعليم علشان يكبر ويشتغل ويضيع الباقي من عمره ….
-هو شايل حمل ناس وعايز يسعدهم ولا فارق معاه ولا بيشتكي ولا بيندب حظه علي كدة …
هو كائن غلبان نص يومه بيروح الشغل علشان يجمع أخر الشهر فلوس يطلعها مصاريف بيت وجمعية واقساط وديون
-هو كائن واضح في كلامه واضح في أفعاله علشان تفهمه مش عايز حد يهتم بيه علشان يعرف هو عايز إيه ….
هو كائن عنده المكرونة زي المحشي زي السمك زي أي حاجة المهم المعدة تتملي وخلاص ……..
-هو كائن غير معقد بيجيب أي حاجتين أو تلاتة يحطهم علي بعض يلبسهم ويمشي في الدنيا …
-هو كائن مش عايز يعرف جيرانه قالو أيه وعيلة أمه عملت أيه وعيلة أبوه اشتروا أيه وزمايله اتجوزوا مين وأصحابه اتطلقوا ازاي؟؟
-هو كائن بيسمي الأشياء بأسماء واضحة .. الكوتشي يعني كوتشي مش كوتش والجزمة يعني جزمة مش شوز والقميص يعني قميص مش شيميز ……….
-هو كائن مقتنع راضي بشكله ولون شعره ويوم مايفكر –يتجمل بيجيب معجون بتلاتة جنيه علشان يحول سنانه من اللون الأصفر للون الابيض شوية ..
-هو كائن بيعامل الناس معاملة دوغري مابيدورش على أبراجهم أيه وهم اتولدوا في الصيف ولا الخريف واتولدوا طبيعي ولا قيصري علشان يقرر يعاملهم ازاي؟
المفاجأة بقى إللي كنت سايبها للأخر أن الراجل ده عمره أبدا ما بيقول أنه نص المجتمع وأنه الأب والاخ والزوج والصديق ٠…….
لأن ده طبيعي مش محتاج كلام …
كل سنة واحنا كلنا بخير وربنا معانا
وحسبنا الله ونعم الوكيل …
