بتقولي مع نفسك ؟
بتقولي اهدي القطي نفسك ؟
بتقولي هتلاقي روحك لوحدك مع نفسك ؟
هو أنت ليه بتتكلم معايا كده ؟
هو انت شاغل نفسك بي ليه كده؟
يا سيدي أنا اخترت وأنا حرة في كده
يا سيدي اعتبرني اعتبرني في الارتباط ضعيفة ومش اده كده
يا سيدي اعتبرني خبرة في حياتك وعدت بسرعه كده
نعيش مع بعض ونندم علي كده ؟
ولا تقفل الصفحة ديه وتنسي كده
اعتبرني درس اتعلمته في الحياة
ولا مش،كده؟
شوف إني إيجابية وعاقلة مش متهورة كده
شوفني زي ما أنا شوفني ضعيفة كده
شوفني بدور علي مصلحتك مش أكتر من كده
شوفني إنسانة اتوجعت أوي قبل كده
شوفني خايفة عليك من الألم والفشل بس كده
شوفني صريحة مع نفسي وخدني على اد عقلي كده
ازاي تتهمني إني فيك بس مفرطة؟
وإني مسيطرة وفي القسوة مفرطة ؟
هو أنت عاوزني اسمع كلامك وامشي وراك علشانك مش،مفكرة؟
هو مش لازم كل واحدة تبقي عارفه نفسها و كويس مفكرة؟
هو أنت ليه واثق اوي من النتائج؟
وازاي شايف اني هحقق معاك نتائج ؟
انت مقتنع اوي بيا !
وأنا عارفة كويس كل اللي فيا !
أنت شايفني إنسانة حلوة وسوية
وأنت متعرفش إني علي الجنبين مستوية !!
راحتك تهمني ايوة راحتك تهمني
والمك ووجعك انت يقدر يهدني!
وأنا على آخر اخري ومش بيهمني
غير اني موجعكش اكتر وده اوي يهمني
