مش كل جوازة حلوة وممتعة
ومش كل سنجلة عيشة ممتعة
ومش كل جنتلة مرتبطة بالسنجلة
ولا كل جوازة بتبقي مريحة ومفرحة
يا سنجل يا جنتل خلي بالك
واسمع كويس أوي اللي هيتقال لك
ابن الاصول وبنت الاصول ولاد ناس
ايوة مهما كانت طبقتهم هما ولاد ناس
ليهم احترامهم وليهم أحلامهم وطموحاتهم
وإياك بسبب غناك أو عربيتك وفيلتك تفكر إنك أحسن منهم
لا ديه حاجات تسهل الحياة جايز بس شخصك أغلى منهم
ينفع تسافر أو تهاجر أو تشتغل حتى في الفاعل
وتجمع مئات و ألوف وملايين جنيهات وبيك هم الفاعل
وأنت خدامهم وخدام الناس اللي بيخلوك مفعول مش فاعل
فكر إن رضى النفس والطمأنينة بيجعلوك بالفلوس فاعل
كترت الفلوس مهما كترت أو قلت متبقاش غير بيها فاعل
إياك تتخيل إنك لو بقيت مفعول مينفعش تكون بيها فاعل
الحق نفسك وكرامتك واقف فوق الفلوس ومع الأمور تعامل
اجري بسرعة حط نفسك والفلوس في مكانها وإياك تتغافل
وإا تبقى أنت اخترت تحت مكانك وقيمتك ومبقتش فاعل
