ضعفتي ؟ يا جامدة ! يا قوية!!
فين راحت قوة شخصيتك يا اللي بربنا متقوية ؟
فين قدرتك على المواجهة والمقاومة يا ست انتِ يا اللي
المفروض بربنا متقوية ؟
مش انتِ دايما بتقولي انك انثى ضعيفة البنية بس قوية
مش انتِ دايما تقولي احنا البنات كلنا قدام الصعاب حيوية؟
فين حماسك وقوة إيمانك وانتِ شايفة الدنيا تحت رجليك مطوية ؟
قومي كده وانفضي عن نفسك تراب الدنيا و وريها انك فعلا قوية
نسيتي ضحكتك زمان وانتِ بتهزري وبتقولي ولا حاجة تأثر فيا
تعبتي أوي كده؟ ولا ايه يا اللي كنتِ بتتكلمي على انك عافية
خوفتيني عليكِ وعلي امكانياتك في المقاومة يا اللي بربنا المفروض تكوني مستقوية
هتمشي وهتسبيني استني الامل لوحديا ؟
هتديني ظهرك وتمشي وتتغلبي من قهرك وتستسلمي وانتِ اللي كنتي قوية؟
فين اصرارك ؟ وفين عزيمتك ؟ وفين إرادتك ولا بس شاطرة تهددي فيا
شاطرة بس تستقوي عليا
وتسخري مني وتتريقي عليا
وتقولي لي من فضلك امشي لوحدك السكة ديا
وخليني أنا لوحدي أعيش احلامي اللي مناسبة ليا
اتحمل مسؤوليتها لوحدي وأحاول أهزم الدنيا ديا
