هو أنت تعرف يعني إيه خيبة امل ؟!
تعرف عن مشاعري أما تحبط بدل ما تعيش اللي اتمنيته من امل ؟!
تعرف يعني إيه واحدة ست عايشة الفشل بدون أي امل ؟!
تعرف يعني إيه واحدة اتخبطت واتجرحت
وفي الشفاء مكنش ليها أي أمل؟!
تقدر تقولي منين وإزاي تبقي مرتاحة وهي كل مشاعرها عديت عليها الرحاية وفتتها وأفقدتها الامل ؟
كنت أنت فين لما اتبهدلت مشاعري مرة واتنين وثلاثة وانطفي عندي في الامان الامل ؟!
عارفة إنك رقيق وطيب وحنين بس قولي اعمل معاك إيه الأمل ؟
مش أنت كمان اتخبطت وفرمك الواقع ودهس في قلبك الأمل ؟
ولا أنت كنت آلة في إيدين الزمن ودوست على قلوب الصبايا ونزعت منهم أي أمل ؟!!!
عرفتك كويس زي ما أنا عارفة نفسي واد ايه حلمت بالأمل
شوفتك بتكلمني وبتشرح لي وبتفهمني وبتفهمني ازاي عشت الامل ؟!
شوفتك وأنت على الأرض مرمي مسحوق بالألم في أرض الأمل
سمعتك وأنت بتضحك ايوة بتضحك زي على ضياع الأمل
شوفت في عينيك حسرتك بتناجي حسرتي بيقولوا مع بعض مفيش أي أمل !!!
عاوزنا نثق تاني في الأيام ونصدق من جديد إن في أمل؟!
مش كفاية كده يا سيدنا ولا أنت لسه معاك ميعاد مع أمل ؟!
مشبعتش من الخوف من الفشل ؟!
مشبعتش من الخوف من الوجع ؟!
مشبعتش تاخد علي دماغك ولسه بتقول يا أمل ؟!!!
طب أنت مستني وصابر وعندك أمل
أنا بقي مالي اتبهدل معاك ومع أمل ؟!!
ارحمني وابعد عني واقعد لوحدك استني أمل
يمكن اما تشوفها وتقابلها يفرح قلبك ويملاه في النجاح بجد امل
خليك بعيد عني
أنا في النجاح مبقاش عندي أمل !!!!!
