وقفت قدامك
أراجع كلامك
أتامل افعالك
اتذكر ضحكاتك
واسترجع خرافاتك
وأندهش من فعلك
واتساءل أين ذهب ضعفك
وافرح أني مش خايفلك
علي حاجه ولا حتي منك
ازاي خلتيني مش مهم عندك
ولا كمان لي مكان في قلبك
ولا حتي مهتمية إني اقابلك
وأنا اللي كنت الوحيد عندك
المهم جدا تشوفيه لما ترجعي هنا من بلدك
وأنا اللي كان ينفع تسيبي عنده حاجتك
وأنا اللي كان مؤتمن عند قلبك
ومفيش في يوم اتخليت عنك
جايز وأنا مش واخد بالي في حقك
يمكن كمان اتصرفت في موقف ما بطريقة نتيجة غرورك وعندك
الصراحة مصدوم مش عارف إيه اقولك
الصراحة موجوع مش قادر اد إيه اقولك
الصراحة مندهش قدامك غضبك
الصراحة منبهر قدام قوة عنفك
مش فاهم أنا للدرجة ديه كنت أنا غالي عندك ؟
ولا انا اد كده بقسوة جرحتك ؟
مراجعتيش مرة معايا تصرفاتك؟
معرفتيش أنا ليه مرة بعدت عنك؟
فين طول بالك وصبرك واناتك؟
ولا أنا بغبائي ضيعتك ؟
ولا بعد كل ده فشلت أني أجذب انتباهك ؟
مفكرتيش في يوم إني مش قادر أنسى أفضالك ؟
مفكرتيش في يوم إني مش عارف أنسى معايا تصرفاتك ؟
هو من إيه معمول قلبك ؟
ولا ليه لغاية دلوقتي مصرة على أفكارك ؟
أنتِ قوية بس ضعيفة قدام احلامك
أنتِ قوية بس مش قادرة توقفي جريك وراء أحلامك
أنتِ قوية بس أكتر من اللازم قوتك
الحقيقة أنتِ خايفة تنجرحي منك
وبتحاولي وأنتِ خايفة كمان تهربي من حبك
يا خوفي عليكِ وأنتِ من مشاعرك
بتجري وبتقولي انا كده افضل منك
هو أنت ضعيف كده ازاي وفينك
من خوفك عليّ وعلى نفسيتك
باين عليك يا عم متعود علي الجرح
ومبقتش بتحس ولا قادر على الفرح
تلاقيك كمان من كتر الألم
بقيت فنان وألامك هي حبر القلم
اللي بيكتب وبيعبر
علشان تنسي اللي فات وتعبر
يعني تقلب الصفحة
وتنسي الالم والصفعة
يا بختك لقيت حاجه ألامك تنسيك
وفي عز وجعك والامك كتابتك بتواسيك
مش عارفة عن نفسي اقولك ايه
ولا من كتر خوفي أعملك إيه
روح ربنا يداوي جرحك
ويبعت ليك البنت اللي تناسبك
وأبعد عني وعن طريقي احسن لك
انساني وانسي أنك شوفتني من فضلك
