أنا مش على كلامك هوافقك
ولا برده في طريقك هقفلك
أنا مش عاوز المرة ديه أعاندك
أنا ضد إن كرامتي تتخدش منك
أنا عارف حقيقة موقفك
وحقيقي مش هقد انتظرك
ولاينفع اللي عملتيه إني اغفرلك
وأنا أذي نفسي ليه بطريقتك
أنتِ اخترتي وأنا في طريقك هسيبك
أنتِ المصلحة ليكي هي طلبتك
ازاي افرض نفسي علي قلبك ؟
وازاي أهين نفسي من اجلك ؟
أنتِ بقيتي مش عاوزاني قدامك
وخايفة من مشاعري تحركك
مش عاوزة تتورطي ولا تتعبي نفسك
حبي أي حد وكل حد مع نفسك
اعبدي شغلك وعملك ونفسك
افرحي بدنيتك ودلعي نفسك
مفيش حد يقدر ياخدك من نفسك
أنا خايف بس عليكي لأنك مبقتيش من الجري قادرة تلقطي نفسك
اهدي كده واطمني محدش هيشغلك عن نفسك
الا انتِ انتِ بس وانتِ بس لوحدك
تقدري ترحمي ايوة ترحمي نفسك
وتشوفي حاجات تانية حلوة تناسبك
فتحي عيونك واشغلي بالاخرين نفسك
فاهم انك اخترتي المسؤوليات اللي تناسبك
ووهبتي ليها الصحة والوقت وكل نفسك
حاجات حلوة وأنتِ حلوة وفاهمة كويس نفسك
بكرا الايام تمر وتمر وتمر وتلاقي روحك لوحدك مع نفسك
خلي بالك من الأيام ودايما القطي نفسك
علشان تقدري تكملي المشوار اللي خططتيه لنفسك
