كل الحروب كدابة
كل الحروب قاتلة
كل الحروب قلابة
للكل في قتلَي
الكل في إيده الدم
الكل هناك ظالِم
شرِب العسل بالسم
هنعيش تاني؟ ياعالِم
تموت انت ياحالِم
تتحرق معاك الأرض
الأخضر ده لون صادِم
هحرقه بطول وبعرض
صوت القنبلة مُتعة
فُجرها في كُتر الهَدم
لحروبي انا بسعَي
ومفيش جثث تتلم
دي لعبة ورقُعة وفن
هجيلك لباب بيتك
عشان قفاك يتلَم
حاصروني بالحامِلات
جابوا الطوفان عندي
وابو ناتو أخدلي بلاد
والذنب كان ذنبي
والكل عايز الأرض
عايز عِلو ومجد
اتخانقوا الحُكام
علي نفسي وعلي عَرضي
افكاري اتلعبكت وتهت بين سَردي
الكل بينصر دين
وتاه هناك غَرَضي
الكل كانوا قايين
والجُثة من عَندي
آه يابا من عِندي
آه يابا مالقسوة
آه يابا من جِلدي
الحق كان صوتك
وخَفَتّوا انا في قلبي
الحق هناك عندك
مكانش دا قصدك
حملوا البشر اسمك
والكل كان ضِدك
بيعَجِّل بآخر اليوم
بينادي يوم غضبك
استنفذوا صبرك
شايفينك هتيجي خلاص
وبيفكروا في الحرب
مش بيفكروا في قُربَك ..
ريمون روماني يكتب ….كل الحروب كدابة
