كشفت الفنانة الكبيرة سمية الألفي، عن تعافيها من مرض السرطان اللعين، وذلك خلال تصرحات تليفزيونية.
سمية الألفي تكشف تفاصيل تعافيها من السرطان
قالت سمية الألفي: أنا كويسة كل الفحوصات اللي عملتها طلعت كويسة، والدكتور قالي خلاص مفيش سرطان تاني.. الحمد لله أنا تعافيت منه، إحنا عندنا دكاترة هايلين في مصر، المعالج والجراح بتوعي كانوا شباب، ومنهم واحد كان مع ابني أحمد في المدرسة.
وتابعت سمية الألفي: أنا متفائلة خير وبطمن كل الناس والسيدات اللي جلهم كانسر محدش يفقد الأمل، عندنا دكاترة على مستوى عظيم من العلم، حاجة بديعة حقيقي، وبقول لكل مريض توكل على ربنا، وخلوا عندكم أمل ورضا، أنا كنت بقول دايمًا لربنا أنا راضية، بشكر ولادي وكل واحد سأل عليا في مرضي.
وكانت قالت: مر عام على جراحة السرطان، والتقارير الطبية أكدت أننى بصحة جيدة وتعافيت من المرض بعد إجراء العملية الجراحة، و أتمنى ألا يعود السرطان مرة أخرى، ولم أتحدث عن تفاصيل مرضى على الاطلاق أو تفاصيل العلاج ، وعام 2022 كان عاما صعبا للغاية لأن السرطان مرض صعب وعلاجه والتعافى منه صعبة للغاية.
على الصعيد الآخر، قالت سمية في تصريحات تليفيزيونية سابقة: كنت بحب فاروق الفيشاوي جدا لدرجة إني كنت بسامحه على خيانته ليا، وطلاقنا كان عشان رجوعه للإدمان وندمت بعدها إني سبته، هو كان بيخوني كتير ولما سألته عن السبب كان يقولي مقاومتي ضعيفة المشكلة عندي.
وأوضحت سمية الألفي أن فاروق الفيشاوي ذهب إلى والدتها وبكى من شدة حزنه لزوجها من مدحت صالح، اما عن زوجها من جمال عبد الحميد فلم يتسمر زواجهم سوى 4 أشهر فقط، وذلك بسبب ابنهم أحمد الفيشاوي الذي وضع خطة بقاء سمية الألفي في منزلها أيام وعودتها إلى منزل زوجها جمال عبد الحميد أيام أخرى، وهذا الأمر لم يفلح مع تلك الزيجة.
