لو كان بيّي حيّ
ما كان حالي ضاع من حالي
ولا كنت بنزف دمعتي ليالي
وكان الظرف أفضل من الحالي
وتا كان صوتو يلعلع بهالحيّ
لو كان بيّي حيّ
لو كان بيّي حيّ
كنت تحت جوانحو بكبر
وبيشوفني كيف عم بإتغيّر
وما بتعب ولا شويّ
ولا بحسدن بالحيّ
ولا بشوف حالي ولا بتكبّر
لو كان بيّي حيّ
لو كان بيّي حيّ
إمّي ما كانت تعبت وعانت
ولا كانت عليها النفس هانت
بكيت عا بيّي كتير
وعانت من التعتير
يا ريت لحظة موت ما حانت
وظروفها شو تغيّرت كانت
لو كان بيّي حيّ
لو كان بيّي حيّ
ما كان خيي شال أحمالو
وحس الدني بالكون تهنالو
بس بيي راح شربة ميّ
وخيي عا كتفو شال حمل البيّ
وشو بشكر الرب على كلمة خيّ
يهنّيك يا هالخيّ
يل كنت خيّ وبيّ
تا صار عندي ريحة خيالو
وتا صار عندي بيّ
وعرفت معنى الخيّ.
سيده طنوس تكتب…لو كان بيّي حيّ
