فَجر رجل الأعمال أحمد خليل، طليق ريم طارق زوجة مطرب المهرجانات حسن شاكوش، في أول لقاء تلفزيوني له مع الاعلامية نهال طايل عبر برنامجها المذاع علي قناة “صدي البلد”، مفاجاة خاصة بانفصاله عن طليقته ريم.
تابع أحمد حديثه قائلاً:”الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق”.
وواصل طليق ريم طارق كلامه: «أنا مقصرتش معاها، وقولت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج».
وأضاف طليق ريم زوجة حسن شاكوش: «سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها»، مضيفا: «لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا».
ورد طليق زوجة حسن شاكوش عن ما تردد عن ضربه لها، قائلا: «أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت بشتكي لوالدها».
