إلى سكان الساحل الشمالي العشوائيين : أرجوكم محدش يزعل من كلامى . لعلها تكون مصدر تنوير والهام لمن يهمه أمر أولاده.
.
يا ناس فوقوا و ربوا عيالكم !!
ربوا عيالكم قبل فوات الأوان !
.
ليه عيال في سن ١٥ سنه تشرب خمرة !!!
.
ليه بنات تصاحب و تروح تقضي اليوم والليلة في بيت صاحبها !!!
.
ليه العيال معاها فلوس بالآلافات لدرجة انهم في السن ده في خروجتهم يتغدوا في ساتشي !!!
.
ليه بنات تعمل عيد ميلادها ١٦ سنه كأنه (فرحها) !!!
.
ليه نعلم ولادنا ان كل شيء مباح و إن الفلوس ملهاش قيمة !!!
.
ليه من سن ١٥ سنه البنت تلبس ماركات زي: Valentino & Gucci !!!
.
ليه الساعة الـ Rolex دلوقتي !!!
- طيب ايه اللي هيبسطهم لما يكبروا ؟؟؟
.
ليه نطلع جيل بيقيم أصحابه علي حسب عندهم فلوس قد ايه !!!!
.
أنا مابحبش أقارن . بس أصحابنا في كندا آخرهم جزمة Converse
- ولو راحوا السينما مينفعش ياكلوا بره علشان ميصرفوش كتير …
.
لكنهم في نفس الوقت بيصرفوا آلاف علي رياضة و تمارين و كورسات علمية.
.
المسألة ثقافة أولويات …
.
أنا فعلا مصدومة من حجم المنظرة اللي الجيل ده هيتربي عليها، إحنا مكناش كده …
.
- حقيقى فعلا كان فيه عرى . بس فيه رقى..
- وحقيقى كان فيه خروج . بس مكنش فيه إسفاف..
- وحقيقى ماكنش فيه حجاب . بس كان فيه إلتزام..
- وحقيقى كانت فيه ماركات . بس للشياكة . مش للمنظرة لمن استطاع اليها سبيلا..
- كان فيه خروجات بس من غير بذاءات..
- كان العيب عيب مش حاجة عادى..
.
أنا شايفة إن انعدام الأخلاق والنخوة بقت من العاديات .. أنا آسفة .. يمكن أنا (دقة قديمة!)..
.
لكن يشرفنى إن ولادى كمان يكونوا دقة قديمة .. وأتمنى ويشرفنى ويسعدنى إنى أجوزهم ناس معتدلين ودقة قديمة زينا ..
- متعوب في تربيتهم ..
عارفين معنى القرش الحلال ، والعيب ، والحرام ، وعينيهم مليانة ، ومش محتاجين يبينوا ماركة مايوهاتهم عشان يبانوا إنهم ولاد ناس … لانهم أصلا ولاد أصول..
.
لازم الولاد يتعلموا… قبل فوات الأوان!
