كشفت الفنانة علا غانم عن حرص زوجها على مراسلتها باستمرار بعد الأزمة التي حدثت بينهم لكنها لا ولن تجيب عليه، مشيرة إلى أنها تسعى في الفترة الحالية لـ أخذ حقها.
علا غانم عن زوجها: الكابوس اللي خلاني اعيشه عمري ما هنسهوله
وقالت علا غانم في تصريحات تلفزيونية: بيبعتلي رسايل كل يوم بالـ 20 رسالة ومبسمعهمش مش بقدر أسمع صوته ولا عايزة أشوفه ومش عايزاه يسأل عني وكل اللي عايزاه اخف وحقي يرجعلي وهيرجعلي أنا واثقة”.
وتابعت: “انا بشتغل من صغري وبحقق كل اللي نفسي فيه وعمر ما حد جابلي فستان ولا قولتله خرجني، أنا اخترت أكون أنا الست اللي بتجيب قرشها وبقالي 7 سنين”.
واختتمت: “هو لا يستحق والقانون هو اللي هيرد عليه أنا معرفوش، الكابوس اللي خلاني اعيش فيه لمدة شهر عمري ما هنسهوله ولازم يدفع تمنه، وبعتذر لعيلتي ولولاده على كل اللي مرينا بيه، انا زعلت أهلي اوي وعرضهم لحاجات مكنتش تصح وأنا أسفة اني عملت معاهم كدة والتجربة كانت وحشة جدا وبدفع تمنها”.
وكشفت علا غانم عن تعرضها لأزمة صحية أخرى منذ أيام قليلة، فقالت: روحت لدكتور عظام من 10 أيام وكان عندي ضيف تنفس وقالي لازم نعمل أشعة مقطعية على صدري وبعدها المستشفى كلمتني وقالولي في حاجات خطيرة وروحت لقيتهم بيقولولي عناية مركزة والمستشفى كلها مرتبكة، وطلع عندي ماية على الرئة بسبب شرخ في الدلوع ضغطت على الرئة لذلك مكنتش بقدر أنام على ضهري ونفسي كان قصير جدا والأوكسجين كانت نسبته قليلة جدا
وأضافت وهي في حالة انهيار وبكاء شديد: كنت لازم أنام قاعدة وكانولا كتير في ايدي وعروقي كلها كانت بتقفل.
