يا مجد الشعر يعطيك العوافي
ضروري الشاعر يوعي القوافي
وعا مجد الشاعرية يضل يطلع
بعد ما تشرنو عاسرير غافي
خيالو بالليالي فكر أوسع
بحن الليل لسكونو بلطافي
وبردة من حلاها الفن شبع
قصيدو زهر وبلش قطافة
ما بدو بالرسالة يكون مرجع
كلامو موقف وللشعر وافي
من الإلهام بدو الفكر يصنع
ربيعو بالحروف علاج شافي
وأرز لبنان حد النخل أبدع
متل جبران أو متل الرصافي
دراري الشعر من فكرن بتطلع
متل خد الشمس و الدر صافي
وقدر ما نقشع الشاعر اتربع
ما همو البعد من طول المسافة
دمج مجد العروبة بهيك موقع
و ما همو ملوك وقصور وخلافة
وإذا ورد القصيدة الطيب وزع
نفح عطر العروبة بالمضافة
تا هل الفكر من مركز بيجمع
من ملوك الشعر و الشاعرية
جناهن بيدر وعقلن ثقافة
شاعر لبناني
