متل العطر بالبيت فحّيتي
ومتل النهر والميّ سحّيتي
لو شحّ نهر الحب والتلحين
ما بقشعك شي يوم شحّيتي
عيونك يا قلبي ملونة تلوين
عنّي إذا العينين نحّيتي
رح عيش عمري بالقسى واللين
لكن إذا عنّي تنحّيتي
بيفوت عا قلبي الوفي سكين
انكنّك عليّي كتير لحّيتي
ردّي عليّي جاوبي المسكين
كافي قهر هالصوت بحيّتي
لا تتركيني بعتمة كوانين
فيقي وإذا هالناس صحّيتي
من فيقتك بعرف أكيدي مين
وقت لْما بقشع من حروفي حرف
وعن مبسمك هالإسم محّيتي
