جمعنَا الناس يا بلادي جمعنَا
عا حبّ الشعر تا تزيدي طَمَعنا
وبأرض الطهر لبنان الحضارة
نخلة قبال أرزتنا زرَعنَا
وفتحنا للحرف أكبر سفارة
تا يبقى الشعر حاضن مجتمَعنَا
وحتى من ثقافتنا منارة
بعراق الكل يا بلادي صنَعنَا
المنارة صارت قلوب وإمارة
عليها بصمة الكلمة طَبَعنَا
ويا شعّار البلاغة عن جدارة
بقلب بغداد رايتنا رفعنَا
وكشفنا عن مواهبنا الستارة
وفينا الغايب وحاضر قَنعنَا
سقينا الأرض بدموع العذارى
ومسافة نصر بجنوبي قَطعنَا
ويا أرز بلادنا رهن الإشارة
أنا والشعر والأحباب مَعنَا
العراق احتلّ بالشعر الصدارة
بشعبو وطهر أخلاقو ارتفَعنَا
العراقيين من نبع الطهارة
العروبة بقلبها ومنها انتَفعنا
العراقيين يا ناس العبارة
بقصيدة فلسفة منها شبعنَا
العراقيين مع أصل الزيارة
إجو تا يخففو عنّا وجعنَا
ونحنا بأرض لبنان العُصَارة
وْلا مرة رغم حالتنا وَقَعنَا
ويا كل الناس يا رمز النضارة
إنتو عين هالكلمة وسَمَعنا
وإنتو روح ملقانا ووقارا
ولأجل الشعر مع بعض اجتمعنا
تا نحكي كلمة الحق بإدارة
ونحفر عالنخل أرزة بلدنا
وكل الكون يشهد ما رَكَعنَا،،
