سلام الله عليكِ يا أم الدنيا
كيف حالك.. وحال الأولاد والاحفاد
يارب تكونى بخير
أنا خابر الريس .. يخاف عليك كتير
وسمعته وهو بيحلف ميت يمين
اللي يقرب منك .. ليشوف الويل
والله يا أم الدنيا الريس شايل حمل تقيل
وإن شاء الله يعدى . بينا البحر
وبر النيل . ويبنى على قنالك حجات كتير
من يوم الريس .. ما اعطيناه التوكيل .. يحمى الأرض ويصون العرض ويحمي حدودك
أنا قلت .. بعلو الصوت ريسنا قد القول
واحنا خابرين . كيف الحمل تقيل
الريس راجل شغال إنسان وحاسس بالناس كتير
يريد بلدنا تكون … عفية قوية
أنت خابره يا أم الدنيا كيف
قوة البلاد .. يحترموها الناس
والحمد لله جيشنا له أساس يحترموه الناس
لكن فى شيء فى صدرى .. تاعبنى يا أم الدنيا
شايف الناس يقولوا غلاء الأسعار
.. غلاء الاسعار .. وفى ناس شغاله تنفخ …. وتشعلل فى النار
يعنى يا أم الدنيا غلاء الأسعار فى بلدنا بس
ولا عند كل بلاد الناس
ماهو … احنا ناس من ضمن الناس
نحمد ربنا على نعمه .. لساتنا الحمد لله بخير
لساتنا يا أم الدنيا نشترى بالكيلو .. فى ناس غيرنا تشترى بالحباية على قد العيال
نقول الحمد لله
ونبوس الإيد وش وظهر
الحمد لله احنا احسن من غيرنا ..كتير
والريس قال الصبر … يا ناس
يعنى فى أرض بتزرع وتجنى الزرعات فى الحال .
مين قال
الزرع محتاج استصلاح .. وري و زراعة .. وتسميد
إن شاء يا أم الدنيا .. الخير جاى
ريسنا ما يحتار .. راجل حربى مغوار راجل يتوكل على مولاه وربنا … واقف وياه
خلاصة القول .. الحكايه محتاجة الصبر
واحنا إن شاء الله صابرين وياه
إيه يعنى عام ولا عامين
وإن شاء الله .. يعدلها الرحمن
وأنتِ يا أم الدنيا للناس كلاتها حضن أمان وخير
أنا .. رديت عليكِ يا قلبي بمرسال
أوصيك يا ست الكل ماتغيبي
وتبعتي لحبيبك .. مرسال
ردي قوام
