سلام الله عليك يا عماد
كيف حالك وكيف حال الأولاد والأحفاد
يارب تكون بخير
وصلنى اليوم مرسالك وقريته كتير
وأنا خابره الريس حمله تقيل
وإن شاء الله كيف ماتقول يعدى بينا
البحر ونهر النيل
جاى ياعماد لبلدنا خير كتير
وإن شاء الله بكره نقول للدنيا كلاتها
أم الدنيا صارت قد الدنيا
أقولك
أنا زمقانه منك
ليه تخبى عني ولدك
فى يوم صاحية من بدرى
اجيب ورد مِنَدي للريس
هو يحب يشوف الورد
وأنا نازله على سلم الدار
لقيت شاب مفتول العضلات وقف كيف الزنهار
قلت صباح الخير .. ياولدي
رد وقال صباح النور يا غالية
قلت فى بالي مايقول الغالية إلا عماد
رحت قطفت الوردات وعدت تانى على الواد
وقلت مين قالك أنا اسمى الغالية
أنا أم الدنيا … يا واد
ضحك وقال .. إللي يبعتلك جوابات
ضحكت وقلت مين .. ياواد
قال حبيبك واسمه عماد
قلت وكيف عرفت اسم حبيبى
قال الواد وهو بيضحك .. حد يتوه عن ابوه … ياغالية
قلت .. وه .. واد .. إياك تكون ابن عماد
قال ايوه يا أم الدنيا
أبوي قال روح احمي دار ام الدنيا
واللي يقرب منها خليه يفارق الدنيا فى أقل من ثانية
ابص فى وجه الواد ملفلف وجه وشايل سلاحه كيف الصقر
قلت اكشف وجهك أريد أنأكد
قال ممنوع يا أم الدنيا
لازم أمر.. نادمت على صاحب الأمر
وقلت اعطيه الأمر.. أعطاه ف الحال
وقال نفذ أمر أم الدنيا فى ثانية
كشف الشاب وجه ضحكت وقلت يابوووى .. .. الواد شبهك ياعماد
مايفرق بينه وبينك غير الشارب وشعر الشيب
لفيته فى حضني وقلت حبيبي وابن حبيبي عاد
ليه ماتقول .. ابنك عندي
ومن يومها وأنا الصبح اخده فى يدى ونجيب الوردات من بدري
عماد ..
إياك تغيب عني ماتبعت لحبيبتك جوابات
