رمضان فى مصر حاجة تانيه حاجه ملهاش مثيل
الجمال كله تشوفه على شط نيل
لو تحب تشوف الخيل الأصيل.
عيش يوم رمضان فى مصر
وشوف الرجولة والشهامة بعد العصر
ولا ساعة الآذان شوف ولادنا
ع الطريق
هتلاقي 100 مليون رفيق
اللي يوزع تمر ع الطريق
واللي يوزع مياه ع الطريق
ولا شوف الست الكبيرة اللي بتوزع عصير
ولا موائد الرحمن للقريب والغريب
مصر دي حاجة تانيه
بلدنا فعلا .. أم الدنيا
رمضان فى مصر حاجة تانيه حاجه ملهاش مثيل
قالوا علينا زمان الشراقوه عزموا القطار فى رمضان
صحيح اللي قالوه
عزمناه زمان وطلعنا ليه الطعام
حكاية القطار.. وخلاصة الكلام
كان زمان قطار تعطل قدام بلدنا .. وقت الفطار
كل البيوت طلعت للركاب الفطار
اللي شايل صينية على رأسه … وقام بيها يجري
واللي شايل طبلية على راسه . وقام بيها يجري
وفرشوا الرصيف كله بالطعام
ولاد بلدنا قالوا عنهم الكرام
