فى عز الليل
فى عز الليل …. أنا شفت الويل فى شبابي
أنا كنت حصان .. قالوا رهوان
لضمت الليل في نهار وليل
لضمت الخيط فى ابره وخيط
بنيت الحيط .. بنيت البيت
وماقلتش اه يااانى
وقلت أشوف بقى حالى
لعم ينفع ولا خالى
ربط خلاص على دراعي
وطرت لفوووق .. اسارع شوق
ملكت الشوق وصار عندي أولادي
أنا كنت حصان .. قالوا رهوان
انا كنت حصان .. قالوا رهوان
لضمت نهار فى ليل ونهار
معرفش نهايتى .. رصاصة جيالي
قانون الخيل ..اهي دنيا.. اهي فانيه
اهى فاانيه .. معروف آخرها وداع
كبرت خلاص ورجليه سلمت اوراق
وعينيه بتشوف طشاش
والجلد خلاص كرمش
وظهرى صار ..متكرمش عود وانتٓ لقدام
حطيت يدي على خدي
ابكى على حالي راح الخيل
باقى الحيط .. وباقى البيت
وباقى معايا أولادى وأحفادي
وعقلي داير فى ساقيه. يفكرنى
يقول فاكر شقاوة الخيل
وسهر الليل فى كفاح وويل
أقول يارب بارك فى أولادى
فى عز الليل.. أنا شفت الويل فى شبابي
أنا كنت حصان .. قالوا رهوان
فى عز الليل .. أنا شفت الويل فى شبابي
