الفرحة لبست في الأول طرحة جميلة
عليها مرسومة الوردة وسط جميلة
حاولت أقطفها بإيدي أول ليلة
لقيتها صورة بياخدها الريح رواح
لو كان ده يحصل م الأول مش كنت ارتاح
ما اعرفش إيه اللي بيرسم عالخد الورد
ويخلي عيني تتلهف على ورد الخد
ويخلي نفسي تتمنى لمسات الود
ولما أقرَّب أتألم والشوك جراح
لو كان ده يحصل م الأول مش كنت ارتاح
لو كان قالولي راح تتعب لو تحايلها
وتلقى نفسك في دنيا ضايع ليلها
نجومها سافرت في سحابه مين هايطولها
حزينة عالليل الرايح ويا عيني ما راح
لو كان قالولي م الأول مش كنت ارتاح
يا صخرة الأزمان إمتى هاتحبيني
ما تفتحي قلبِك مرة وتضميني
وترفعيني للنجمة وتعليني
لدنيا الحب الهادي وكفاية رياح
لو كان ده يحصل م الأول مش كنت ارتاح
