مره حدا قلي بتكتب شعر كيف
ما قدرت جاوب ورد واشرح
وقلت مش كرمال هالنتفة زقيف
بخلي خيالي بالمدى يسرح
بكتب بغصة طفل مرمي ع الرصيف
وتيصير شعري اوضح واصرح
بكتب مثل جوعان داير ع الرغيف
ومتل ال بغير الحلم ما بيفرح
بكتب وقلبي بين ريف وريف
ريف يجرح وريف ما يجرح
مره بكون مهفهف ودمي خفيف
ومره تقيل الدم ع المسرح
الشاعر سنة وفصولها كفوا النظيف
الشاعر دني عم تجمع وتطرح
كلما بمطرح فيه بينام الخريف
بيوعى ربيعو من الف مطرح
