لبنان الله خالقو جنّة
مهما يا ايد العابثة تجنُي
ومهما علينا تكاثروا الويلات
منضلّ نحكي شعر ونغنّي
نحنا خلقنا للفرح بالذات
شعّار معنا الحرف متهنّي
منكتب قصيدة منزرع البسمات
من شهقة النهدات والعنّي
ولبنان لحن بتعزفوا النايات
والله سحر لبنان متبنّي
التاريخ عنّو بيكتب روايات
تا يشوف حالو بمجدنا الفنّي
وانتوا يا اهل الموهبة وردات
فيكن عبير الشعر متكنّي
انتو حضارة شعب ومرايات
لأجيال آتي بتغزلوا حكايات
من دون ربح جميل او منّي
التاريخ صورة عنكن وعنّي
