إوعي يا أمي تخافي وتبكي
أنا لو مت أنا هبقى شهيد
هرفع راسك وهكون سندك
مش راح أخلي عدوي سعيد
بكرا هيعرف قيمته حقيقي
بكرا هيعرف إنه وحيد
لو يوم فكر إنه يقرب
راح هيلاقي الحلم بعيد
وبإيدنا هنعيد أمجادك
كل أيامك تصبح عيد
أوعى يا أمي تقولي كفايه
احنا ولادك احنا أسود
ليكي هنرسم أحلى بداية
وهنهزم أوهام ووعود
هنعمر وهنبني ونزرع
بإيدينا أشجار وورود
وهنحميكي يا بلدي بروحنا
وقت الشده هنبقي سدود
حبنا ليكي يداوي جروحنا
والخوف بنَّا مش موجود
مهما مشينا أويوم روحنا
شمسك قمرك لينا شهود
بصرخ وأبكي وأقول يا حبيبتي
أنا من غيرك مالي وجود
واقف صاحي بعزم وقوه
واللي يقرب مش هيعود
يصبح ذكرى هنمسح اسمه
شره هيبقى عليه مردود
