وعاهدتك أيوه عاهدتك
إن أنا مش ممكن أبيعك
بس أنت يا ألف خساره
بعتي اللي ما بنا وخنتي
فكرتك يوم هتصوني
الحب وكل عهودك
بس أنت نسيتي كلامك
وياريتك ليا أنا صنتي
هبعد لبعيد وهسيبك
مش هرجع تاني خلاص
مش ممكن هبقى حبيبك
رحت وراح الإخلاص
يا حكاية كتبها دموعي
طفت وياها شموعي
ورمتني في بحر عذابك
وخلاص مش هرضى رجوعي
يا بداية مالها نهاية
قتلت فرحتي جوايا
سرقتني وسرقت قلبي
أخدت روحي وهوايا
ياما قلت إن أنت حبيبي
ونصيبك هو نصيبي
ما أقدرش أكون مع غيرك
وطلعت سبب تعذيبي
ورجعت تقول من تاني
إنك مخلوق علشاني
وحاولت تقرب مني
ابعد لبعيد وانساني
مش ممكن أصدق كدبك
وعرفت إن انت أناني
كل اللي ما بنَّا اتغير
واتبدل كدا في ثواني
ولعبت بكل مشاعري
واللعبه دي مش عجباني
