لما شفته وقف الحكي على لساني
ما بعرف شو صرلي تلبّكت للأمانة
طل القمر يحاكي النجمة السهرانة
ويتغزل ويسمعها أشعار وأغاني
قرّب وشوشني وقلي حليانة
وصغرانة كأنه عم يرجع لورا زماني
أنا خجلت وحمرت خدودي الدبلانة
وعملت نفسي ما سمعت شو حكاني
كم مرة تجاهلت المعاني
وبعمل غشيمة بالحب بس بنكمش بثواني
بقلي لا تهربي بعرفك بتحبي الغزل
ولونك المفضل الأرجواني
ما في داعي تعيشيني وحداني
قلبي مفتوح تربّعي فيه بس اوعديني
ما انجرح من أغلى إنسانة
شاعرة لبنانية
