بأنامل ساحرة الحروف / زيزي ضاهر
كيف حالك يا بنت وادي الضيم
الا يا بنت يعرب شو جرالك
بوادي الضيم نوختي جمالك
بعلمي شمس كنتي في علوك
اجاكي البين روحلك جمالك
جعلتِ بين ابطيكِ عقارب
وجعوكِ وشوهوا جمالك
كنت بين اهلك والقرايب
عزيزه مدلله وزايد دلالك
خانوا حلاكي
وزوروا مكانك
شو بخبرك يا عصفورة النهرين
عن لون الأرض ببلادك
عن أبطال ما بتشيخ
بس شيبها الزمان
عن وطن ما ارتوى إلا بثورة ولد
وحكاية سلام مخباية بحبر الوجع
يا لناطرة وحدك والعمر هربان
مشي معي عا وطن مهجور
هربان من صمت القهر
مسجون بزمن خرفان
مخبى من مصايب الأيام
وعيون عم تطلب ثأر أجيال
من عهد والباقي أسماء منسية
بس بحيطان الزمن محمية
وأمة العز نايمة بحضن الجبان
وحتى تفيق بدها ربيع ثاني
يمكن ياخذ معه لي بقي منك
شو بخبرك يا بيلسانة الأحلام
مش عم يشبه حدا
يتم الزمان
يا ذاكرة الحزن
وجنون الخريف
زوار نحن جينا عا الدني
وأحرار يا وطن كنا ومنضل
رح سميكي إسم بيلبقلك العز
خلقت صبية من ثورة وحجر
وأطفال معمدة بحبر الدم
مش إنت لي بتشبه حدا
يا بطل من رحم مجبول حرية
انتفاضة وجع أنت ورجوعك
حلم مش موجود بكتاب
وﻻ بقصيدة منسية
مش نثر … مش كلمات
وﻻ أوهام مسافرة بتاريخ أسطورة
حروفها عرب منتهية الصلاحية
مسيرة شعب أنت بتاريخ الحلم
كتبت ملحمتها أجيال مقهورة
مش عنوان انكتب بصفحة الحرية
وﻻ حروف انكتبت عا مسارح الأيام
مش إنت لي بتموت وبتترك ثارك
أو ورقة خريف بتكتب وداعك
مش حقيقة إنك بتهرب
وتبيع أمجادك للجبان
عودتك مكتوبة عا مهب الريح
ومهما قسا الزمان وجار
بواب الحلم رح تبقى فيك مسكونة
موعودة فيك تنتفض عا الذل
من جرح المسيح لي انتصر بالدم
ومهد بمغارة ناطرة سرار السما
تا تعمد وقفتك بيوم الدم
وحدك لي بتكتب بحبر الوجع
نصرك .. وعامد الكون
أحفر عهودك وارفع راية النصر
وأكتب بدمك الحر
إنك فلسطيني
خلقت حتى تكون
قصيدة مسافرة برمح خيال
وفرسان تشق عتم الليل
وتقول للمحتل من بلادي طﻻع
ببلاد الحب ما الك نصيب
وقبل ما يهرب صوت الشر
ويتخبى بكابوس دجال
أكتب عوج الغيم نصرك
وإنك حقيقة مش وهم
خلقت من ثورة وحجر
.. إسمها فلسطين
