بتعيب ف ابوك يا عبيط ..والنعمه واد خايب
دا بياكل بواقي الاكل ..ويسيبلك النايب
دا يا دوب يصلي الفجر..ويقصد رب كريم
علشان يجيب الرزق..بس انت لسه غشيم
شايفه مجرد اب ..و دا فرض عليه ودين
ما هو لو قليل الاصل ..كان رماك ع الأرض
بس انت لسه غشيم..وطلعت واد خايب
تلبس انت جديد.. و يلبس الدايب
احترام ابوك فرض ..حتي لو غايب
فتش ف جيب ابوك .. راح تلقي صوره ليك
صوره وانت لسه عيل ..وهو شايلك فوق كتافه
والخير اللي انت فيه .. من تعب ايديه و كتافه
وطي بوس ايد ابوك ..كفايه الغُلب اللي شافه
