ما تزرعشي الشوك في أرضي
بكره هتيجي لعندي حافي
ساعتها تقول الذنب ذنبي
وتدوق ألآم القلب الجافي
بكره الشوك أكيد يدميك
و يجرح قلبك مع رجليك
واللوم كله هيجي عليك
لأن قلبك ما كانش صافي
ما تزرع الشوك في أرضي
مسيرك تجيء لعندي حافي
ما تزرعشي الشوك في أرضي
يمكن بكره في يوم تجوع
مش هتلاقي الاكل عندي
هتلاقي شوك ومرار دموع
تندم على ذرعته بإيدك
وندمك بكره مش هيفيدك
وذنوبك تجري في وريدك
ماهو إنت الخادع و المخدوع
ما تزرعشي الشوك في أرضي
يمكن بكره في يوم تجوع
ما تزرع الشوك في أرضي
وإزرع أجمل المحاصيل
لأجل ما تبقى قريب لقلبي
شاركني في أصغر التفاصيل
بكره لما تعود وتيجيني
بالحب مع الترحاب تلاقيني
أشيلك جوه حبايبي عيني
وأقول تعالي يا أبو قلب جميل
ياللي هتزرع خير في أرضي
هتحصد أجمل المحاصيل
وماتزرعشي الشوك في أرضي
