هو أنتِ فعلا رحتي
هو أنتِ فعلا الارض سبتي
عارفة انكِ وجعتي
لازم أقولك أن فراقك طفي فرحتي
لازم أقولك أن كلامك كان سبب ضحكتي
وتشجيعك لي كان سبب طاقتي
وصلواتك لي كانت سبب رفعتي
كلامك لي شجع قوتي
بمجهودك وتعبك عرفت اشغل قوتي
عرفت انك صليتي كتير وتعبتي
اهتميتي بتفاصيل كتيرة ورتبتي
عملتي كل اللي عليكِ وكافحتي
اشتغلتي بكل قلبك وأمانة قدمتي
فهمتي احتياجات كل واحد فينا على أد ما قدرتي
شوفتي بركة ربنا ليكي وشكرتي من قلبك وفرحتي
البعيد عن ايدك رينا اديهولك زي ما وثقتي
احفادك شجعتي والضحكة علي وشهم رسمتي
قوة ربنا شجعتك وللاحتمال نموذج قدمتي
منشغلتيش بإمكانيات غيرك ولا من غيرك غيرتي
شكرتي رينا علي ما اعطاكي وفي الآخر بربنا فرحتي
